• Os ydych chi’n gweithio yn y maes twristiaeth
• Os ydych chi’n gweithio ag ymwelwyr
• Os ydych chi’n byw yn yr ardal
• Os ydych chi’n astudio yn yr ardal

Ond, mae croeso i unrhyw un â diddordeb yn y cynllun neu sydd yn dymuno ehangu eu gwybodaeth ar bopeth sydd yn gwneud Conwy yn le mor arbennig gymryd rhan a dod yn Llysgennad.

Mae ystod o fodiwlau hyfforddiant ar-lein rhyngweithiol am ddim wedi’u creu i wella gwybodaeth am Sir Conwy. Mae’r ymagwedd hon yn caniatáu i bawb ddysgu ar eu cyflymder a’u lleoliad dewisol mewn ffordd sy’n hwylus iddyn nhw.

Mae modiwlau wedi’u creu ar themâu gwahanol er mwyn rhoi hyblygrwydd i chi p’un a ydych eisiau cwblhau pob un o’r modiwlau neu’r rhai sy’n berthnasol i chi yn unig. Mae’r modiwlau yn cynnwys testunau, lluniau a ffilmiau.
Y 6 modiwl cychwynnol yw:

1. 1. Croeso i Sir Conwy
   2. Trefi a Phentrefi yn Sir Conwy
   3. Y Gymraeg a Diwylliant Cymru
   4. Hanes Sir Conwy
   5. Safleoedd Treftadaeth yn Sir Conwy
   6. Cerdded yn Sir Conwy

Y 6 modiwl nesaf sy’n cael eu datblygu yw:

1. Beicio yn Sir Conwy
2. Antur a Gweithgareddau yn Sir Conwy
3. Y Celfyddydau yn Sir Conwy
4. Bwyd a Diod yn Sir Conwy
5. Arfordir Sir Conwy
6. Hamdden yn Sir Conwy

Bydd y modiwlau hyn yn cael eu rhyddhau o gannol mis Mai tan ddiwedd Mehefin 2021.

Mae Cyngor Bwrdeistref Sirol Conwy (CBSC) wedi derbyn cyllid ar gyfer y prosiect hwn drwy Gymunedau Gwledig Llywodraeth Cymru – Rhaglen Datblygu Gwledig 2014-2020, a ariennir gan Gronfa Amaethyddiaeth Ewrop ar gyfer Datblygu Gwledig a Llywodraeth Cymru, ac mae cyfraniad gan CBSC wedi sicrhau bod Sir Conwy gyfan wedi’i chynnwys yn y modiwlau.

Oes, mae’n rhaid i chi gwblhau ‘Croeso i Sir Conwy’ a ‘Threfi a Phentrefi Sir Conwy’ cyn ymgymryd ag unrhyw fodiwlau eraill o’ch dewis chi.

Oes, tri lefel.

• Efydd – Cwblhau 3 modiwl
• Arian – Cwblhau 6 modiwl
• Aur – Cwblhau 9+ o fodiwlau

Er mwyn bod yn Llysgennad Twristiaeth (Efydd), mae’n rhaid i chi gwblhau’r tri modiwl (2 orfodol ac 1 o’ch dewis chi).

Bydd, cynhelir profion syml i wirio eich cynnydd trwy gydol y modiwlau. Y sgôr ‘pasio’ yw 80%. Bydd cyfleoedd i ail-sefyll unrhyw un o’r modiwlau.

Ar gyfartaledd, bydd pob modiwl yn cymryd tua 30 munud i’w cwblhau (fodd bynnag, mae’n bosibl y bydd rhai yn cymryd ychydig yn hirach/llai).

Mae pob un o’r modiwlau ar gael yn Gymraeg ac yn Saesneg.

Sicrhewch eich bod yn cwblhau’r cwrs cyfan yn yr iaith o’ch dewis chi, gan nad oes sicrhad o gadw eich sgôr os y gwnewch gyfnewid iaith.

Bydd, Mae’r canlynol ar gael am ddim:

• Tystysgrifau
• Bathodynnau
• Sticeri ar gyfer drysau a ffenestri
• Brandio Llysgennad Twristiaeth Conwy ar gael ar gais, i’w ddefnyddio yn eich deunyddiau marchnata

Oes, trefnir hyfforddiant wyneb yn wyneb a theithiau dysgu i ategu at y dysgu ar-lein ac i ddarparu cyfleoedd i bawb rwydweithio â Llysgenhadon eraill, rhannu arfer dda a chyfrannu at gynllunio ar gyfer twristiaeth y dyfodol.

Bydd, caiff modiwlau eu diweddaru yn ôl yr angen. Caiff modiwlau newydd eu cyflwyno yn ôl yr angen. Bydd y system yn hysbysu defnyddwyr pan fydd modiwl yn cael ei ddiweddaru neu os oes unrhyw gynnwys newydd wedi’i uwchlwytho.

Bydd, mae gan y wefan adran ‘Adnoddau’ lle y gallwch ddod o hyd i ystod o wybodaeth a dolenni defnyddiol i ategu at y modiwlau.