Mae’r cynllun wedi ei anelu’n benodol at unigolion neu fusnesau yn y diwydiant twristiaeth neu sydd yn dod wyneb yn wyneb ag ymwelwyr yn rheolaidd. Ond, mae croeso i unrhyw un â diddordeb yn y cynllun neu sydd yn dymuno ehangu eu gwybodaeth ar bopeth sydd yn gwneud Eryri yn eithriadol  gymryd rhan a dod yn Lysgennad.

Mae ystod o fodiwlau hyfforddiant ar-lein rhyngweithiol am ddim wedi’u creu i wella gwybodaeth am Barc Cenedlaethol Eryri. Mae’r ymagwedd hon yn caniatáu i bawb ddysgu ar eu cyflymder a’u lleoliad dewisol mewn ffordd sy’n hwylus iddyn nhw.

Mae modiwlau wedi’u creu ar themâu gwahanol er mwyn rhoi hyblygrwydd i chi p’un a ydych eisiau cwblhau, pob un o’r modiwlau neu’r rhai sy’n berthnasol i chi yn unig. Mae’r modiwlau yn cynnwys testunau, lluniau a ffilmiau gan fod pawb yn dysgu mewn ffyrdd gwahanol. Y modiwlau yw –

1. Croeso i Barc Cenedlaethol Eryri
2. Twristiaeth Gynaliadwy
3. Yr Wyddfa
4. Rhinwedd Arbennig 1: Tirweddau Amrywiol
5. Rhinwedd Arbennig 2: Cydlyniant Cymunedol
6. Rhinwedd Arbennig 3: Bywiogrwydd yr Iaith Gymraeg
7. Rhinwedd Arbennig 4: Ysbrydoliaeth ar gyfer y Celfyddydau
8. Rhinwedd Arbennig 5: Llonyddwch ac Unigedd
9. Rhinwedd Arbennig 6: Hamddena Dysgu a Hamdden
10. Rhinwedd Arbennig 7: Tirweddau Hanesyddol
11. Rhinwedd Arbennig 8: Daeareg Byd Enwog
12. Rhinwedd Arbennig 9: Cynefinoedd a Rhywogaethau Rhyngwladol Bwysig
13. Parc Cenedlaethol Di-sbwriel a Statws Mynydd Di-blastig

Bydd y modiwlau yn ymdrin â phob agwedd sydd yn gwneud Eryri yn eithriadol, gan ganolbwyntio’n benodol ar y 9 Rhinwedd Arbennig y Parc Cenedlaethol, Twristiaeth Gynaliadwy a’i bwysigrwydd i ni yn y Parc Cenedlaethol, a hefyd golwg manwl ar y mynydd eiconig yng nghalon Eryri, Yr Wyddfa.

Oes – mae’n rhaid i chi gwblhau ‘Croeso i Barc Cenedlaethol Eryri’, ‘Twristiaeth Gynaliadwy’ ac ‘Yr Wyddfa’ cyn cael mynediad at fodiwlau eraill o’ch dewis chi.

Oes!

• Efydd- Cwblhau 3 modiwl
• Arian- Cwblhau 6 modiwl
• Aur- Cwblhau 9+ o fodiwlau

Er mwyn bod yn Lysgennad Twristiaeth Parc Cenedlaethol Eryri (Efydd), mae’n rhaid i chi gwblhau’r tri modiwl gorfodol.

Bydd, cynhelir profion syml i wirio eich cynnydd trwy gydol y modiwlau. Y sgôr ‘pasio’ yw 80%. Bydd cyfleoedd i ail-sefyll unrhyw un o’r modiwlau.

Ar gyfartaledd, bydd pob modiwl yn cymryd tua 30 munud i’w cwblhau (fodd bynnag, mae’n bosibl y bydd rhai yn cymryd ychydig yn hirach/llai).

Mae pob un o’r modiwlau ar gael yn Gymraeg ac yn Saesneg.

Sicrhewch eich bod yn cwblhau’r modiwl cyfan yn yr iaith o’ch dewis chi, gan nad oes sicrhâd o gadw eich sgôr os y gwnewch gyfnewid iaith.

Bydd, Mae’r canlynol ar gael am ddim –

• Tystysgrifau
• Brandio Llysgennad Twristiaeth i’w ddefnyddio ar eich deunyddiau marchnata
• Bathodynnau
• Sticeri ar gyfer drysau a ffenestri

Oes- trefnir hyfforddiant wyneb yn wyneb a theithiau dysgu i ategu at y dysgu ar-lein ac i ddarparu cyfleoedd i bawb rwydweithio â Llysgenhadon eraill, rhannu arfer dda a chyfrannu at gynllunio ar gyfer twristiaeth y dyfodol.

Bydd – caiff modiwlau eu diweddaru yn ôl yr angen. Caiff modiwlau newydd eu cyflwyno yn ôl yr angen. Bydd y system yn hysbysu defnyddwyr pan fydd modiwl yn cael ei ddiweddaru neu os oes unrhyw gynnwys newydd wedi’i uwchlwytho.

Bydd – mae gan y wefan adran ‘Adnoddau’ lle y gallwch ddod o hyd i ystod o wybodaeth a dolenni defnyddiol i ategu at y modiwlau.